Resolución do 30 de decembro de 2025
Quen pode solicitar a axuda?
O DOG publica este luns 2 de febreiro de 2026 a Resolución do 30 de decembro de 2025, pola que se fai público o Acordo do Consello de Dirección do 17 de decembro de 2025, mediante o cal se aproban as bases reguladoras das axudas para a execución de operacións en apoio de terceiras persoas ao abeiro da Intervención Leader, cofinanciadas co Feader no marco do Plan estratéxico da PAC 2023-2027 (PEPAC).
Así mesmo, a resolución anuncia a convocatoria das axudas para o ano 2026, correspondente ao código de procedemento MR701L. No marco da convocatoria de axudas da Intervención Leader 2026, xestionada polo Grupo de Desenvolvemento Rural Ribeira Sacra-Courel, apoiamos iniciativas que impulsen o desenvolvemento económico, social e ambiental no noso territorio.
As persoas e entidades interesadas poden consultar o texto completo da resolución e as bases reguladoras no enlace do DOG.
Poderán solicitar estas axudas, sempre que desenvolvan o seu proxecto no ámbito territorial do GDR Ribeira Sacra-Courel e cumpran o establecido nas bases reguladoras:
- As entidades públicas de carácter local ou comarcal.
- Persoas físicas ou xurídicas de carácter privado (incluídas as CMVMC).
As axudas concederanse en réxime de subvención a fondo perdido, cofinanciadas polo Fondo Europeo Agrícola de Desenvolvemento Rural (Feader) no marco do Plan estratéxico da PAC 2023-2027 (PEPAC).
Prazo de solicitude: 2 meses
Data límite: ata o 6 de abril de 2026
Para máis información contacta en 982 884 691
Consulta aquí o texto completo no DOG
Convenio entre a Axencia Galega de Turismo e AGADER
Acordo de colaboración entre a Axencia de Turismo de Galicia e a Axencia Galega de Desenvolvemento Rural para a coordinación de actuacións públicas con incidencia no sector turístico promovidas no territorio de Galicia no marco do PEPAC 2023–2027, no ámbito territorial do Grupo de Desenvolvemento Rural Ribeira Sacra-Courel.
Consulta o texto completo do Convenio
Baremo GDR Ribeira Sacra-Courel
Proposta de resolución sobre a aprobación dos criterios de selección e priorización de proxectos, así como das limitacións sectoriais, da Estratexia de Desenvolvemento Local do Grupo de Desenvolvemento Rural Ribeira Sacra-Courel.